喆思又“作死”

                             雖然是幾百塊的手袋，但是畢竟是大牌子出品，都有個防塵袋保護住

正面

                                         這是百麗出品，LV有份入股果個牌子。

                                                                       內籠1

                                                                        內籠2

         都說女人都是貪靚的。俗話說女人的衣柜永遠少件衫，那麼手袋，鞋等更是不可或缺的配件。話說數月前，左太我看中了Mulberry的手袋，但是好貴呀，要HKD12000，如果我“失手”的話，就連個月糧都無左，宜家我休閒在家，更加需要量力而為，量入為出。但是就甘叫我唔買，我又一味心思思，攪盡腦汁搵個替代品。試過在Reebonz搵，淘寶搵，不是顏色唔合心水，就是質量唔知點。淘寶果個仿款都要500幾，真是俾他嚇死。而Reebonz提供的款呢，價錢是比正價便宜了2000多，但是d顏色都好悶（黑色是也）；試想一下，在冬天已經成身黑媽媽，仲要背個黑色袋，真是悶到抽筋。點解要搵仿款呢？這有段故的，因為以前我的老友莎莎講過（小妮子畢業於英國倫敦大學statisitical fianance engineering 碩士）不能將所有的錢都投放在衣服鞋襪上，總要留點錢旁身，這給當時睇中了Miu Miu的蝴蝶手袋的我當頭一棒，結局是我買左個仿款，Fiorucci的，MOP1700，仲要是羊皮tim。這句話我記到宜家，念深一層，其實我都是因為個款背起來夠時尚，不會太臃腫才會對它念念不忘者，不如搵個替代品，唔中意就叫它抖抖仲好啦。
      
         果日一個人在澳門中區蕩下蕩下，俾我見到Belle在做promotion，好奇之下入去睇睇（我的購物哲學是唔買都睇下，呵呵）點知見到一個好似的“致敬”款，不過size小了一點，我有Belle的VIP card都要葡幣410幾；不過個袋從價錢、質量各方面都無問題，但是容量同個clutch差不多，如果我要帶相機的話，相信都好逼夾；再加上個sales好hard sell，言語中好似當正我無VIP card 來白撞甘，我就更加唔會落搭（我果日無帶VIP card）。我帶左生睇過個袋，他開頭以為細少少都ok，點知實在太迷你啦，最後唯有放棄啦。
      
       周末返珠海，晚飯後同阿媽、左生去shopping兼散步，俾我見到它wor，原來珠海Belle果邊都有呢個袋，不過貴幾十蚊，顏色做工同澳門睇果個一樣，size大一個碼，裝野方便好多，而且個袋雖然不是真皮的，但是也不會太重，最適合我呢d成日肩膀痛的人啦。我越睇越心郁，在鏡子前面是甘照，相請不如偶遇，就叫左生埋單帶左它返屋企啦。最後埋單RMB467，是貴d，不過size ok，同埋剛好遇上promotion，買手袋有折扣抽獎，抽幾多，就減幾多，最後我抽到RMB68，屬最低折扣，不過都好過無，宜家百物騰貴的時候，已經算ok。
     
       不過之後左生問話我會買咩俾他wor？我就求其應付下他就算，最多我得閒又下廚lor，煮返兩味慰勞下他，塞住他把口，等他無甘多聲氣，呵呵。